टोकियो ।  जापानका प्रधानमन्त्री सिन्जो अबे उनको सत्तारुढ दलको अध्यक्षमा पुनः निर्वाचित भएका छन् । उनको राजनीतिक दल ‘लिबरल डेमोक्र्याटिक पार्टी’को बिहीबार सम्पन्न निर्वाचनमा उनी अध्यक्षमा निर्वाचित भएका हुन् । 

 

 

विजयीसँगै प्रधानमन्त्री अबे जापानमा लामो समयसम्म प्रधानमन्त्रीको पदमा रहने निश्चित भएको छ । प्रधानमन्त्री अबे ६३ वर्षका  भए । उनले आफ्नो दलका सदस्य र सांसदबाट ५५३ मत प्राप्त गरेका छन् । 

 

 

उनको विरुद्धमा उम्मेदवार बनेका अर्का नेता सिगेरु इसाबाले भने २५४ मत मात्र प्राप्त गरेका छन् । नेता इसाबा जापानका पूर्व रक्षामन्त्री हुन्। 

 

 

जापानी प्रधानमन्त्री अबे संविधान संशोधनको मुख्य एजेण्डाका साथ प्रधानमन्त्रीमा निर्वाचित भएका हुन् । उनी पुनः आफ्नो पार्टीको प्रमुखमा निर्वाचत भएसँगै सविधान संशोधनको उनको सपना पूरा हुने देखिएको छ । -एजेन्सी

जापान प्रधानमन्त्री सिन्जो अबे लिबरल डेमोक्र्याटिक पार्टी