३ महिनादेखि बेपत्ता बालकको कङ्काल फेला
काठमाडौं । विगत तीन महिनादेखि हराइरहेका हुम्ला चङ्खेली गाउँपालिका– २ दार्मा गर्खाका १४ वर्षीय शैलेन्द्र शाहीको कङ्काल भेटिएको छ । गत साउन १ गते स्थानीय धुम्माधारा खर्कबाट दूध र दही लिएर घर फर्कने क्रममा तामेखोलाबाट उनी हराएका बालकका आफन्त तिलक शाहीले बताए ।
साउने संक्रान्तिका दिन घर खर्कदेखि गाउँसम्मका सबै बाटो र बस्तीमा उनको खोजीमा परिवार र स्थानीय प्रशासनले लामो समय बिताएको बताउँदै उनका बुबा जनक शाहीले भने, ‘तीन महिनापछि छोराको कङ्काल पो देख्नुप¥यो ।’
उक्त घटनाबारे आफूलाई कुनै जानकारी नआएको जिल्ला प्रहरी कार्यालयका निमित्त प्रहरी प्रमुख ज्ञहेन्द्र बोगटीले घटनाको अनुसन्धानका लागि तत्काल पिप्लाङ र दार्मा प्रहरी चौकीलाई खबर गरिएको बताए । मृतक शाही स्थानीय बालज्योति आधारभूत विद्यालयको कक्षा ५ मा अध्ययनरत रहेको विद्यालय जनाएको छ ।
