जनकपुरधाम । धनुषामा अज्ञात व्यक्तिले गोली प्रहार गर्दा एकजना गम्भीर घाइते भएका छन् । सोमबारराति लक्ष्मीनियाँ गाउँपालिका वडा नम्बर १ का ३५ वर्षीय सञ्जय शर्मा अज्ञात व्यक्तिले प्रहार गरेको गोली लागेर गम्भीर घाइते भएका हुन् ।

 

दाहिने तर्फ पेटमा गोली लागेका शर्मालाई तत्कालै जनकपुर अञ्चल अस्पतालमा उपचार गराउन ल्याएपनि यहाँ उपचार सम्भव नभएपछि थप उपचारको लागि काठमाडौँ पठाइएको छ ।

 

राति साढे ९ बजेको समयमा शर्मा दाजुभाई मोटरसाइकलमा जनकपुरबाट आफ्नो घर फर्किरहेको बेला जनकपुर ढल्केवर सडक खण्डको लक्ष्मीनिय बजार नजिक अज्ञात व्यक्तिले गोली प्रहार गरेको प्रहरीले जनाएको छ ।