वीरगञ्ज । पर्साको धोबिनी गाउँपालिका वडा नम्बर १ पिप्राटोलमा भएको सवारी दुर्घटनामा एक बालिकाको मृत्यु भएको छ । स्थानीय रमेश साहको ३ वर्षीया छोरी प्रिति साहको मृत्यु भएको हो ।

 

वीरगञ्ज–ठोरी रुटमा चल्ने ना ७ ख ७७१९ नम्बरको बसको ठक्करबाट शनिबार बिहान बालिकाको मृत्यु भएको जिल्ला प्रहरी कार्यालय पर्साले जनाएको छ । सडक छेउमा खेल्दै गरेकी नाबालिकालाई ठोरीबाट वीरगञ्ज आउँदै गर्दा बसले ठक्कर दिएको थियो ।

 

ठक्करबाट गम्भीर घाइते भएकी उनलाई उपचारका लागि पोखरीया अस्पताल ल्याउँदै गर्दा बाटोमै मृत्यु भएको प्रहरी नायब उपरीक्षक मानबहादुर राईले जानकारी दिए । 
 

वीरगञ्ज दुर्घटनामा एक बालिकाको मृत्यु