एजेन्सी । अमेरिकाको राष्ट्रपतीय निर्वाचन अभियानका क्रममा रुस र डोनाल्ड ट्रम्पबीचको सांठगांठको प्रमाण भएको दाबी गर्ने बेलारुसकी एक मोडेललाई रुसी प्रहरीले हिरातमा राखेको छ।

 

नास्त्या रेबका (वास्तविक नाम अनसतासिया वाशुकेविच)लाई थाइल्यान्डबाट रुसको राजधानी मस्को विमानस्थलमा ल्याएको र त्यहाँबाट उनलाई रुसी प्रहरीले हिरासतमा राखेको हो । २७ वर्षीया रेबका एक कनेक्टेड फ्लाइटबाट मिंस्क जान लाग्दा ट्रान्जिटबाट तानेर प्रहरी चौकी पुर्‍याएको उनकी वकिल दिमित्री जेन्सारिंस्कीले बताएको छन् । उनले यस कारवाहीलाई एक अन्तराष्ट्रिय स्क्यान्डलको संज्ञा दिएकी छन् ।

 

रुसको गृह विभागले प्रकाशित गरेको विज्ञप्ति जारी गर्दे रेबका र उनीसँग पकाउ परेका अन्य तीनजना वेश्यावृत्ति गर्ने र उक्त कामप्रति आकर्षित गरेको आरोपमा पक्राउ गरेको बताएको छ । रुसमा उक्त अपराधका लागि ६ वर्षसम्म जेल सजाय हुने प्रावधान छ ।

 

हिरासतमा राखिएका मध्ये एक बेलारुसका एलेक्सेंडर किरिलोव पनि छन्, जो स्वघोषित सेक्स गुरु हुन् । उनी थाइल्यान्डमा रेबकाका साथमा हिरासतमा थिए । यसअघि थाइल्यान्डको एक अदालतले अवेध रुपमा सेक्स ट्रेनिङ संचालन गरेको आरोपमा १८ महिनाका लागि निलम्बन र कारावासको सजाय सुनाएका थिए। उक्त साजयभन्दा पहिला पनि ९ महिनासम्म उनी थाइल्यान्डको जेलमा थिए ।

रुस