पूर्वयुवराज पारस शाह अस्वस्थ, नर्भिक अस्पतालको सीसीयू कक्षमा उपचार हुँदै
पूर्वयुवराज पारस शाह अचानक अस्वस्थ भएपछि अस्पताल भर्ना भएका छन । बिहान ललितपुरको मंगलबजारस्थित पार्वती शिवमन्दिरमा पूजा गरेका शाह एक्कासी छातीमा समस्या भएपछि अस्पताल भर्ना भएका हुन ।
थापाथलीस्थित नर्भिकको आकस्मिक कक्षमा रहेका पारसलाई साँझ सीसीयू कक्षमा राखिएको छ । उनको उपचारमा डा. यादवदेव भट्टको टोली खटिएको छ ।
शाहलाई यसअघि थाइल्याण्डमा रहँदा गम्भीर प्रकृतिको हृदयाघात भएको थियो । पारस लामो समयदेखि मुटु सम्बन्धी समस्याबाट पीडित छन ।
