दाङ । पाँच वर्षीया बालिका बलात्कारको आरोपमा दाङमा एक युवक पक्राउ परेका छन् । जिल्लाको घोराही उपमहानगरपालिका वडा नं २ रामपुरका १८ वर्षीय मुकेश विक बालिका बालत्कार आरोपमा पक्राउ परेका हुन् ।घोराही उपमहानगरपालिका वडा नं ४ की ५ वर्षीया बालिकालाई गएको शनिबार घर नजिकैको खोलामा लगेर जबरजस्ती करणी गरेको अभियोगमा उनलाई प्रकाउ गरिएको जिल्ला प्रहरी कार्यालय दाङले जनाएको छ ।

 
पक्राउ परेका विकलाई मुलुकी अपराध (संहिता) ऐन २०७४ को परिच्छेद १८ को दफा २१९ बमोजिम (करणी सम्बन्धी)  कसूरमा मुद्दा दर्ता गरी आवश्यक अनुसन्धान भइरहेको र बालिका सामान्य उपचार पछि अहिले सामान्य अवस्थामा रहेको जिल्ला प्रहरी कार्यालय दाङका प्रहरी प्रवक्ता डीएसपी रामप्रसाद घर्तीले जानकारी दिए । 

युवक पक्राउ बलात्कार