सिन्धुलीमा श्रीमती र छोरीको गोली हानी श्रीमानले हत्या गरेका छन् भने छोरामाथि खुकुरी प्रहार गरेका छन्।

गोलञ्जोर गाँउपालिका ६ नाकाजोलीमा श्रीमानले आफ्नै श्रीमती र छोरीलाई गोली हानी हत्या गरेको जिल्ला प्रहरी कार्यालय सिन्धुलीले जनाएको छ। त्यस्तै उनले छोरामाथि खुकुरी प्रहार गरेका छन्।

श्रीमान टेकबहादुर मश्रागीले मादक पदार्थ सेवन गरेर श्रीमती र छोरीको हत्या गरेको अनुसन्धानबाट खुलेको छ।  बिहिबार राति ११ बजे टेक बहादुरले श्रीमती र छोरीको हत्या गरेका हुन्।

श्रीमती किरण मश्रांगीसँग घरायसी विषयमा सामान्य वादविवाद भएपछि टेक बहादुरले भरुवा बन्दुकले हानेर श्रीमती र छोरीको हत्या गरेको जिल्ला प्रहरी कार्यालयका डिएसपी लोकदर्शन थापाले जानकारी दिए। थापाका अनुसार टेकबहादुरले श्रीमती र छोरीको भरुवा बन्दुकले हानेर हत्या गरेका छन् भने छोरालाई  धारीलो खुकुरीले प्रहार गरि घाइते बनाएका छन्।