पोखरा– लागू औषधसहित पोखरामा ३ जना पक्राउ परेका छन् । पक्राउ पर्नेमा पोखरा महानगरपालिका ११ फूलबारीका २२ वर्षीय नारायण कार्की, पोखरा १० रामघाटका ४३ वर्षीय खिलेन्द्र गुरुङ र पोखरा १० बुद्धचोकका २३ वर्षीय विवेक खड्का रहेको प्रहरीले जनाएको छ ।

पोखरा महानगरपालिका १० बुद्धचोकमा शंकाष्पद अवस्थामा हिँडिरहेको अवस्थामा उनीहरुलाई पक्राउ गरिएकाे प्रहरीले जनाएको छ । 

पक्राउ परेका ३ जनाको साथबाट १५ ग्राम खैरो हिरोइन लागूऔषध बरामद भएकाे छ । शंका लागेर झोला चेकजाँज गर्दा लागूऔषध फेला परेको प्रहरीले जनाएको छ । पक्राउ परेका तिनै जनामाथि थप अनुसन्धाको काम भइरहेको छ ।