हतारमा थिएनन सी , बिदाईमा पटक पटक हात उठाई बाईबाई गरिरहे !
नेपालको दुईदिने राजकीय भ्रमण पूरा गरी चीनका राष्ट्रपति सी चिनफिङ आइतबार दिउँसो स्वदेश फर्केका छन् ।
बिदाइ समारोहमा सी हतारमा थिएनन् । प्रस्थान गर्नुअघि आफूलाई बिदाइ गर्न गएकी समकक्षी राष्ट्रपति विद्यादेवी भण्डारीसँगै सीले नेपाली सुरक्षा तथा अन्य निकायका प्रमुख, उनको सम्मानमा प्रदर्शित झाँकीका सहभागी र बिदाइमा उपस्थित बालबालिका सबैलाई समय दिए । लाग्थ्यो उनलाई कुनै हतारो थिएन र उनी सबैसँग संवाद गर्न चाहन्थे ।
स्कुलका बालबालिकाले गरेको बिदाइलाई चासो दिँदै सीले रोकिएर आफ्नो प्रतिक्रिया दिए ।
बालबालिकाले जाने क्रममा चिनिया भाषामा 'धन्यवाद बाईबाई' भनेका थिए , सीले पनि जाने क्रममा पटक–पटक हात उठाउँदै बाई–बाईको संकेत गरेका थिए।
यो समाचार आजको कान्तिपुर दैनिकमा जगदीश्वर पाण्डेले लेखेका छन् ।
सी बाईबाई