काठमाडौं– मंगलबारदेखि काठमाडौंमा हुने गैरआवासीय नेपाली संघको ९ औ विश्व सम्मेलनको तयारी पूरा भएको छ। संघले सोमबार राजधानीमा पत्रकार सम्मेलन गरी ९ औ विश्व सम्मेलनको सम्पुर्ण तयारी पुरा भएको जनाएको हो।

सम्मेलनमा ८१ मुलुकका गैरआवासीय नेपाली प्रतिनिधिहरु, स्वदेशी विदेशी सहभागीसमेत गरि २ हजार ५ सय बढीको सहभागीता रहने संघले जनाएको छ। सम्मेलनले संघको नयाँ नेतृत्व पनि चयन गर्दैछ। ‘म, मेरो एनआरएनए र मेरो नेपाल’ भन्ने मूल विषयमा आधारित भएर हुन लागेको सम्मेलनको उद्घाटन राष्ट्रपति विद्यादेवी भण्डारीबाट हुने संघले जनाएको छ।

सम्मेलनले नेपालको समृद्धिको यात्रामा दिशानिर्देश हुने एजेण्डामा बृहत छलफल हुने बताइएको छ ।

सम्मेलनमा ८१ मुलुकका गैर आवासीय नेपाली प्रतिनिधिहरु, स्वदेशी/विदेशीको सहभागीता रहने आयोजकले जनाएको छ । ती मुलुकबाट करिब २ हजार ५ सयको सहभागिता रहने एनआरएनएले जनाएको छ ।