नुवाकोट - नुवाकोटमा बसको ठक्करले एक बालककोे मृत्यु भएको छ। बट्टार बजारमा बाटो काट्ने क्रममा बसको ठक्करले बालक ५ वर्षीय बालक युनिक तामाङकोे मृत्यु भएको हो।

प्रहरीका अनुसार मृतक तामाङ तार्केश्वर गाउँपालिका–५ का बालक रहेका छन्। भाल्चे–त्रिशुली हुँदै काठमाडौं जान लागेको केरुङ यातायातको बा.४ ख.७५०४ नम्बरको डिलक्स बसले तामाङलाई ठक्कर दिँदा तामाङको घटनास्थलमा नै मृत्यु भएको जिल्ला प्रहरी कार्यालय नुवाकोटले जानकारी दिएको छ।

स्थानीय तथा मृतकको आफन्तले उक्त बसमा आगजानी गरेका छन्। प्रहरीले भिडलाई नियन्त्रणमा लिन ५ राउण्ड भन्दा बढी अश्रु ग्यास प्रहार गरेको बताइएको छ।