भरतपुर।  चितवनमा गएराती ट्रकको ठक्करबाट मोटरसाईकलमा सवार एकको मृत्यु भएको छ भने अन्य दुई जना घाइते भएका छन। बिपरित दिशाबाट आउदै गरेको ना १३प ६७०३ नंको मोटरसाइकललाई नम्बर नखुलेको ट्रकले ठक्कर दिएको थियो।  

ट्रकको ठक्करबाट गम्भीर घाइते भएका भरतपुर महानगरपालिका–४ यज्ञपुरीका भविस केसीको अस्पतालमा उपचारका क्रममा मृत्यु भएको हो भने घाइते दूइको भरतपुर अस्पतालमा उपचार भईरहेको प्रहरीले जनाएको छ।  

ठक्कर दिने ट्रक र ट्रकका चालक फरार रहेको र उनीहरुको खोजी कार्य तिब्र पारिएको पनि प्रहरीले बताएको छ।