काठमाडौँ।  साउदी अरबको मदिना प्रान्तमा बुधवार भएको एक दुर्घटनामा परि मृत्यु हुने संख्या ३५ पुगेको छ।  

आप्रवासी सवार बस अनियन्त्रित भई बिपरित दिशाबाट आउदै गरेको ट्रकसंग ठोक्किदा बसमा सवार ३५ जनाको मृत्यु भएको प्रहरीले जनाएको छ।  बसमा ३९ जना यात्रु सवार बसमा अधिकांश एसिया र अरब मुलुकका नागरिक रहेका थिए।  

दुर्घटनामा परि घाइते भएकाहरुको अल-हमना अस्पतालमा उपचार भईरहेको छ।  

ट्रकमा ठोकिएपछि उक्त बसमा आगो लागेको थियो।