काठमाडाैँ – कपिलवस्तु्मा जुवाको खालमा प्रहरीले छापा हानेको छ। नगरपालिका– २ बर्गदवा स्थित जुवाको खालमा प्रहरीले छापा हानेको हाे।

बिहीवार राति २ बजे वडा कार्यालयका प्रहरी सहायक निरीक्षक रमेश गुरुङको नेतृत्वमा गएको प्रहरी टोलीले अशोक कहारको घरमा खेलाईएको जुवाका खालमा छापा मारेर १४ जनालाई पक्राउ गरेकाे हाे। 

जुवाको खालबाट ३ लाख ४५  हजार नगद वरामद गरिएको छ। प्रहरीले १४ जनालाई पक्राउ गरेको डिएसपी सुनिल मल्ले जानकारी दिए। पक्राउ परेकोहरुलाई रातभर वडा कार्यालयमा राखिएको थियो। बिहान १० बजेतिर उनीहरुलाई जिल्ला प्रहरी कार्यालयमा लगिएको थियो।

पक्राउ परेकाहरुमाथी आवश्यक कारबाही प्रकृया अघि बढाईएको मल्लले बताए।