अफगानस्तान।  अफगानस्तानमा शुक्रवार भएको शक्तिशाली बम विस्फोटका कारण ६२ जनाको मृत्यु भएको छ।  बिस्फोटका कारण दर्जनौ मानिस घाइते भएको समेत जनाईएको छ।   

अफगानस्तानको पूर्वी नानगहर प्रान्तको एक मस्जिद शुक्रवार नमाज पढ्ने क्रममा सो घटना भएको अधिकारीहरुले जनाएका छन। विष्फोटको कारण मस्जिदको छत पनि ढलेको छ । 

यो क्षेत्रमा बिगत केहि समयअघिदेखि इस्लामिक स्टेट र तालिबान दुवै सक्रिय रहेको भएता पनि यो घटनामा को संलग्न रहेका छन भन्नेबारे कुनै टुंगो लग्न सकेको छैन। घटनाका बारेमा अनुसन्धान भईरहेको जनाईएको छ।