भोजपुर ।  भोजपुरको  षडानन्द नगरपालिकामा एक महिलाको विभत्स हत्या भएको छ । शनिवार राती खेल हेरेर फर्किदै गरेकी  वडा नं ३ बस्ने २८ वर्षीया कल्पना राईको धारिलो हतियार प्रयोग गरि बिभत्स हत्या भएको प्रहरीले जनाएको छ।  

 हाटबाट फर्किँदै गरेका कल्पना राई र घाइते १८ वर्षीया नवीना राईमाथि धारिलो हतियार प्रयोग भएको हो । घटना पछि शरीरमा चोट लागेकी कल्पनाको घटनास्थलमा नै मृत्यु भएको हो भने घाइते नवीनाको चिउँडोमा चोट लागेको प्रहरीले जनाएको छ ।  

घटनामा संग्लग्न भएको आशङ्कामा प्रहरीले षडानन्द नगरपालिका– ३ का २१ वर्षीय प्रदीप बस्नेतलाई आज बिहान पक्राउ गरेको छ । घटनाको विषयमा अनुसन्धान भईरहेको प्रहरीले जनाएको छ।