भारत । नेपालबाट भारतको राजधानी नयाँदिल्ली तर्फ जादै गरेको एक यात्रुवाहक बस लखनउमा दुर्घटना हुदा करिब २ दर्जनभन्दा बढी यात्रु घाइते भएका छन।  

घाइते हुनेमा अधिकांश नेपाली नागरिक रहेको बताईएको छ।  घाइते भएकाहरुको अवस्था सामान्य रहेको र उनीहरुको लोहिया अस्पतालमा उपचार भईरहेको भारतीय संचार माध्यामले जानकारी दिएको छ।  

 आइतबार बिहान भारतको उत्तरप्रदेश राज्यको राजधानी लखनउस्थित इकाना स्टेडियम नजिकै सो बस अनियन्त्रित भई दुर्घटना भएको हो। ट्रकसँग ठोक्किएर बसको अगाडिको भाग पूर्णरुपमा क्षतिग्रस्त भएको छ । बसका चालक र परिचालक पनि घाइते भएका छन् । यो संगै घाइते हुनेमा ६ महिनाको बालक पनि रहेको बताईएको छ।