ललितपुर।  ललितपुर महानगरपालिका–१३ सिँचाइ हिटीस्थित आज बिहान रोकिराखेको दूइओटा बसमाथि आगजनी भएको छ।  पार्किङ गरिराखेको बा ३ ख १३८९ र बा ३ ख १६६ नम्बरको गाडी जलेर पूर्णरुपमा क्षति भएको छ। अर्को सँगै रोकिराखिएको बा २ ख ५९४५ नं. को बसमा भने आंशिक रुपमा क्षति भएको प्रहरीले जनाएको छ।

आज बिहान करिब १० बजेर ५५ मिनेटको समयमा बसमा एक्कासी आगो लागे पछि दमकल र स्थानीयको सहयोगमा आगो नियन्त्रणमा ल्याइएको महानगरीय प्रहरी वृत्त सातदोबाटोका प्रहरी नायव उपरीक्षक गौतम मिश्रले जानकारी दिएका छन।  

आजलागी के कारणले भयो भन्ने बारेमा कारण खुल्न नसकेको र अनुसन्धान भईरहेको प्रहरी नायव उपरिक्षक मिश्रले जानकारी दिएका छन।  ढोका बन्द भएको बा ३ ख १३८९ नम्बरको गाडीको भित्रबाट आगलागी भएको प्रहरीको अनुमान छ।