इनरुवा - एक युवतीलाई सामूहिक बलात्कार गरेको आरोपमा तीन जनालाई म‌ंगलवार इलाका प्रहरी कार्यालय इटहरीले पक्राउ गरेको छ। सोही घटनामा संलग्न भएका दुई फरार छन्। पक्राउ पर्नेमा सुन्दरहरैचा–१२ का बसचालक विकास कसई, झापा सुरुङ्गा–४ का सुरज थापा र सिरहाका सुजेन्द्र भुजेल रहेको सुनसरीका डिएसपी विनोद शर्माले जानकारी दिए।

सोही घटनामा संलग्न मोरङ बेलबारीका नितेश घिमिरे र ताके भन्ने सुमन फरार रहेको जिल्ला प्रहरी कार्यालयले जनाएको छ। इटहरीमा सोमवार मध्यरातमा पाँच युवाको समूहले एक युवतीलाई सामूहिक बलात्कार गरेको प्रहरीले जनाएको छ। इटहरीको धरान–विराटनगर सडकखण्डको साथी पेट्रोलपम्प नजिक युवतीलाई बलात्कार गरेको प्रहरीको भनाइ छ।

धरानबाट को १ ख ४६२६ नंको बसमा हालेर इटहरी ल्याई युवतीलाई रोडको छेउमा पालैपालो बलात्कार गरेको प्रहरीको दाबी छ। युवाहरुको समूहले सडक छेउमै एक युवतीलाई सामूहिक बलात्कार गरेको विषयमा स्थानीयवासीले प्रहरीलाई जानकारी गराएपछि उनीहरु पक्राउलाई गर्न सफल भएका जिल्ला प्रहरी कार्यालयले जनाएको छ। घटनाका विषयमा अनुसन्धान भइरहेको र पीडित युवतीको स्वास्थ्य अवस्था सामान्य रहेको बताइएको छ। रासस