काठमाडाैँ – गायक दुर्गेश थापा छुटेका छन्। मंगलबार दिउँसाे प्रकाउ परेका गायक थापालाई  प्रहरीले चार घण्टापछि छाेडेकाे हाे।  महानगरीय प्रहरी अपराध महाशाखाको नियन्त्रणमा रहेका गायक थापाले यूट्यूबबाट गीत हटाउने निर्णय लिएपछि छुटेका हुन्।

महानगरीय प्रहरी अपराध महाशाखाका प्रमुख एसएसपी सहकुल थापाले गीतको शब्द चयनमा आफूले गल्ती गरेको महसूस गर्दै दुर्गेशले आइन्दा कमजोरी नगर्ने सार्वजनिक प्रतिवद्धता जनाएपछि रिहा गरिएको बताए।

गायक थापाले विज्ञप्ति निकालेर ‘ह्यापी तिहार’ गीतमा प्रयोग भएको प्रतिबन्धित गाँजा र मदिरा सेवन गर्न प्रेरित गर्दा सामाजिक सद्भाव र सांस्कृतिक विचलन आएकोप्रति क्षमा मागेका छन्। उनलाई आजै प्रहरीले पक्राउ गरेको थियो।