दाङमा यात्रुवाहक बस एकआपसमा ठोक्कियो, २२ यात्रु घाइते
बुटवल। दाङमा दुईओटा यात्रुवाहक बस एकआपसमा ठोक्किदा २२ जना यात्रु घाइते भएका छन्।
घोराही उपमहानगरपालिका–३ बर्गदुवाचोकमा घोराहीबाट नेपालगन्जतर्फ जाँदै गरेको ना ५ ख ३९५३ नम्बरको बस र लमहीबाट घोराहीतर्फ आउँदै गरेको लु१ख ९६७९ नम्बरको बस एकापसमा ठोक्किँदा दुर्घटना भएको प्रहरीले जनाएको छ ।
घाइते यात्रुलाई उपचारको लागि राप्ती अञ्चल अस्पताल लगिएको छ। घाइतेहरुको अवस्था सामान्य रहेको बताईएको छ।
दुर्घटनाबारे थप अनुसन्धान भईरहेको प्रहरीले जनाएको छ।
दुर्घटना यात्रुवाहक बस
