काठमाडौँ , नेपाल प्रहरीले अवैध सुन सहित २ जनालाई पक्राउ गरेको छ।  

महानगरीय प्रहरी वृत्त कीर्तिपुरबाट सादा पोशाकमा खटिएको प्रहरी टोलीले नवलपरासीका ४० वर्षीय धुब्रबहादुर दर्लामी र बाग्लुङका २५ वर्षीय नीरबहादुर परियारलाई मङ्गलबार साँझ पक्राउ गरेको हो ।

त्रिभुवन विमानस्थल हुदै ल्याउदै गरेको अवस्थामा उनीहरुलाई पक्राउ गरिएको वृत्तका प्रमुख, प्रहरी नायब उपरीक्षक छेदुलाल कामतीले जानकारी दिएका छन।  'त्रिभुवन विमानस्थलबाट पास भएर चावहिल ल्याइसकेको अवस्थामा पक्राउ गरेका हौँ' उनले भने।   

प्रहरीले उनिहरुसंगबाट १६ तोला १४ लाल सुन बरामद गरेको छ।  जसको मुल्य १२ लाख बराबरको हाराहारीमा पर्ने प्रहरीले जनाएको छ।  

पक्राउ परेका दुवैलाई थप अनुसन्धान र कारवाहीका लागि राजश्व कार्यालय पठाएको वृत्तले जनाएको छ ।