बैतडीः बैतडीमा आज बिहान भएका दुई छुट्टा–छुट्टै दुर्घटनामा २ जनाको ज्यान गएको छ । 

जिल्लाको मेलौली नगरपालिका–५ स्थित पेल्या भन्ने ठाउँमा एक्साभेटरले किचेर स्थानीय ५५ बर्षीया शुक्र सिंह पुजाराको ज्यान गएको हो भने, सुर्नया गाँउपालिका–१ सिन्केलेकमा ट्रक दुर्घटना हुदाँ चालक दार्चुला नौगाड ४ सिप्टी दार्चुलाका गोपालसिंह धामीको ज्यान गएको हो ।

मेलौली ५ मा भएको दुर्घटनामा एक्साभेटरका चालक दशरथचन्द नगरपालिका २ देहिमाडौंका ३० बर्षीय शेरीसिंह बोहरा फरार रहेका छन् भने, सिन्केलेकमा भएको ट्रक दुर्घटनामा चालक आफूमात्रै ट्रकमा रहेको जिल्ला प्रहरी कार्यालय बेतडीले जनाएको छ ।

दुबै घटनाको थप अनुसन्धान भइरहेको जिल्ला प्रहरी कार्यालय बैतडीका प्रहरी नायव उपरिक्षक डिल्लीनारायण पाण्डेले बताए । 

दुर्घटना बैतडी