काठमाडौँ । र्‍यापर भिटेनलाई सामाजिक सञ्जालमा राखिएको एक तस्वीरका कारण पक्रिएको महानगरीय अपराध महाशाखाका प्रमुख एसएसपी शहकुल थापाले जानकारी दिएका छन् ।

र्‍यापर भिटेनको त्यस्तो कुन तस्वीर थियो त ? नेपाल आजले उनको आधिकारिक फेसबुक अकाउन्टमा हेर्दा एक तस्वीर भेटियो जसमा २० हजार बढी लाइक अनि १ हजार बढी कमेन्ट थिए । भिटेनले आफ्नो आधिकारिक फेसबुक अकाउन्टमा असोज २९ गते प्रहरीको बर्दी लगाएर चुरोट तानिरहेको र हातले गाँजा केलाइरहेको तस्वीर अपलोड गरेका थिए ।

सामाजिक सञ्जालमा निकै कडाइसाथ निगरानीमा उत्रिएको प्रहरीले र्यापर भिटेनको उक्त तस्वीर भेटेपछि छानबिन थालेको हो । तस्वीर १२ सय बढी पटक सेयर गरिएको छ ।

यद्यपि उनको गीत ‘हामी यस्तै त हो नि ब्रो’ मा अश्लील शब्द प्रयोग गरेकाले पनि पक्राउ गरेको प्रहरीले जनाएको छ ।