दाङ । दाङको तुलसीपुर उपमहानगरपालिका–१४ लुहाडबरामा बसमा ठक्कर खाएर कुखुराको भाले मर्यो । बसको ठक्करले कुखुराको भाले मरेपछि स्थानीयहरुले चक्काजाम गरेका छन्।

कुखुराको भाले मरेपछि उचित क्षतिपूर्तिको माग गर्दै स्थानीयहरुले सडकमा ढुंगा थुपार्नुका साथै काठ, बाँस तेर्स्याएर सडक अवरुद्ध पारेका थिए। खैराहा कोठारी सडकखण्डमा चल्ने बसले स्थानीयको भाले मारेर भागेको भन्दै स्थानीयले सडक अवरुद्ध पारेको वडा सदस्य वन्धु चौधरीले जानकारी दिए ।

बस व्यवसायी र पीडित पक्षबीच २ केजी भालेको १ हजार २ सय रुपैयाँ क्षतिपूर्ति उपलब्ध गराउने सहमति पछि स्थानीयले सडक अवरोधबाट पन्छिएका थिए ।