महोत्तरी , महोत्तरीमा बौलाहा कुकुरको टोकाईबाट एकै दिनमा ५० जनाभन्दा बढी घाइते भएका छन।  

महोत्तरीको मनरासिस्वा नगरपालिका, एकडारा गाउँपालिका, जलेश्वर नगरपालिकासहितका स्थानमा बौलाहा कुकुरको बिगबिगी बढे पछि  कुकुरको टोकाईबाट ५० जनाभन्दा बढी घाइते भएका छन। 

घाइते भएकाहरुलाई सामान्य उपचार पश्चात जनकपुर अञ्चल अस्पताल रिफर गरिएको अस्पतालका फिजिसियन डाक्टर मृत्युञ्जय ठाकुरले जानकारी दिएका छन ।

अस्पतालमा आवश्यक औषधि एआरभी र इम्युनोग्लोबलिन इन्जेक्सन उपलब्ध नभएका कारण उनीहरूलाई जनकपुर अञ्चल अस्पतालमा रिफर गरिएको डाक्टर ठाकुरले जनाएका छन।  

यस भन्दा अघि पनि महोत्तरीको मनरासिस्वा नगरपालिकाका २० जनाभन्दा व्यक्ति बौलाहा कुकुरको टोकाईबाट घाइते भएका थिए।  

कुकुरका कारण स्थानीयको ज्यान जोखिममा परेकाले कुकुर मार्न २० जनाको संख्यमा प्रहरी टोली खटाईएको छ।