काठमाडौँ । काठमाडौंको लप्सीफेदीमा यात्रु बस दुर्घटना हुँदा ३ जनाको मृत्यु भएको छ । दुर्घटनामा परेर २० जनाभन्दा बढी घाइते भएका छन् । महानगरीय प्रहरी परिसर काठमाडौंका अनुसार सिन्धुपाल्चोकबाट काठमाडौं आउँदै गरेको बा ५ ख ५०७० नम्बरको बस लप्सीफेदीमा दुर्घटनामा परेको हो ।

प्रहरीका अनुसार ३ जनाको घटनास्थलमै मृत्यु भएको हो । दुर्घटनामा घाइते भएका सबैको उद्दार गरी उपचारका लागि अस्पताल लगिएको प्रहरीको भनाइ छ ।