सिरहा – लागुऔषध ब्राउनसुगरसहित सिरहामा ४ जना पक्राउ परेका छन् ।

पक्राउ पर्नेमा सिरहा जिल्लाको गोलबजार नगरपालिका वडा नं. १० का २० वर्षीय रोशन कुमार यादव, २० वर्षीय सन्जित कुमार यादव, १८ वर्षीय सन्जित मुखिया र २१ वर्षीय संजय मुखिया रहेका छन्।

जिल्ला प्रहरी कार्यालय सिरहाका प्रहरी प्रवक्ता प्रहरी नायव उपरिक्षक अपिलराज बोहराले इलाका प्रहरी कार्यालय गोलबजारको प्रहरी टोलीले चेकजाँचको क्रममा नरहा गाउँपालिका वडा नं. ३ बाट चारै जनालाई प्लाष्टिकको पोकामा तयार पारीएर राखेको ११८० मि.लि.ग्राम ब्राउनसुगरसहित पक्राउ गरिएकाे बताए।

पक्राउ परेको चारै जनालाई ईलाका प्रहरी कार्यालय सिरहामा राखी थप अनुसन्धान थालेको सिरहा प्रहरीले जनाएको छ ।