काठमाडौं – धनुषामा कटुवा पेस्तोलसहित एक जना पक्राउ परेका छन्। पक्राउ पर्नेमा महोत्तरी जलेश्वर नगरपालिका–९ बस्ने २१ वर्षीय आनन्द पाठक रहेका छन्।
जनकपुर उपमहानगरपालिका–१४ बाट प्रहरीले उनलाई पक्राउ गरेको हो। उनलाई प्रहरीले कटुवा पेस्तोल १ थान र त्यसमा लाग्ने गोलीसहित बिहीबार साँझ पक्राउ गरेको हो। 

२ नम्बर प्रदेश प्रहरी कार्यालय जनकपुर र वडा प्रहरी कार्यालय मुजेलियाबाट संयुक्त रुपमा खटिएको प्रहरी टोलीले ज ११ प ४६५० नम्बरको मोटरसाइकल जाँच गर्ने क्रममा मोटरसाइकलमा सवार पाठकले कम्मरमा लुकाई राखेको उक्त पेस्तोल फेला पारेको  हो। यस सम्बन्धमा प्रहरीले थप अनुसन्धान गरिरहेको छ।