सिन्धुली - विपी राजमार्गको मिनि बस दुर्घट्ना हुँदा तीन जनाको मृत्यु भएको छ भने २५ जना घाइते भएका छन्।

सुनकोसी गाँउपालिका १ स्थित विपी राजमार्गको दुम्जामा उक्त मिनि बस दुर्घट्ना हुँदा तीन जनाको मृत्यु भएको जिल्ला प्रहरी कार्यालय सिन्धुलीले जनाएको छ।

दशैका यात्रु लिएर काठमाण्डौबाट सिराहा जादै गरेको बा ३ ख २३५९ नम्बरको मिनि बस काभ्रे र सिन्धुलीको सिमानामा दुर्घटना भएको हो।  प्रमुख एसपी चक्रबहादुर सिंहले दुर्घटनामा परी घाइते भएका मध्ये पाँच जनाको अवस्था गम्भीर रहेको बताए। उनले गम्भीर घाइते भएकालाई उपचारका लागि धुलिखेल पठाइएको  बताए।

उनका अनुसार मृतकको पहिचान भएको छैन्।  तिब्र गतिका कारण दुर्घट्ना भएको प्रहरीले जनाएको छ। घटनको अनुसन्धान भइरहेको छ।