काठमाडौंः आफ्नै कार्यालयकी महिला कर्मचारीमाथि हातपात गरेको आरोपमा कैलालीको मोहन्याल गाउँपालिकाका एक वडाध्यक्ष पक्राउ परेका छन् । पीडित महिलाको निवेदनका आधारमा वडा नम्बर ५ का अध्यक्ष छविलाल हौजाली मगरलाई सोमबार प्रहरीले पक्राउ गरेको हो ।

इलाका प्रहरी कार्यालय सुखडका प्रमुख प्रहरी निरीक्षक हरिश भट्टका अनुसार सोही वडा कार्यालयकी महिला कर्मचारीमाथि कुटपिट र दुर्व्यवहार गरेको आरोपमा उनलाई पक्राउ गरिएको हो ।

वडाध्यक्ष मगरले ती महिला कर्मचारीलाई कटौंजेस्थित वडा कार्यालयको एक कोठाभित्र थुनेर निर्घात कुटपिट गरेको आरोप पीडित महिलाले लगाएकी छन् ।  ‘पीडित महिलालाई पनि हामीले बोलाएका छौं ।’ निरीक्षक भट्टले भने, ‘त्यसपछि कसरी अगाडि बढ्ने भन्ने टुंगो लाग्छ ।’ नागरिक दैनिकबाट 

कैलाली महिला कर्मचारी छविलाल हौजाली मगर