रौतहट- रौतहटको एक प्रहरी चौकीमाथि बम प्रहार भएकाे छ। सिमावर्ती मठिया प्रहरी चौकीमाथि बम प्रहार भएकाे हाे।

स्थानीय ईशनाथ नगरपालिका ४ नेपाल भारत सीमा क्षेत्रको मठियामा रहेको प्रहरी चौकीमा भारततर्फबाट आएका अपराधिक समुहले बम प्रहार गरेकाे जिल्ला प्रहरी कार्याेलय राैतहटले जनाएकाे छ।

बिआर०५८६५०१ नम्बरको हिरो डिलक्स मोटरसाइकल चढेर आएका अपराधीक समुहले गरेको बम प्रहारबाट सेन्ट्री  डिउटी खटिएका प्रहरी जवान रन्जित यादव घाइते भएका छन्।

प्रहरी जवान यादव सामान्य घाइते रहेको प्रहरीले जनाएको छ। प्रहरीले बम प्रहार गर्ने एक जना भारत ढाका का २५ वर्षीय चन्दन कुमारलाई पक्राउ गरेको छ। घटनाको थप विवरण आउन बाकी छ। मोटरसाइकलमा आएका दुईजनाले बम प्रहार गरेको बुझिएको छ। घटनाको बारेमा अनुसन्धान भइरहेको रौतहट प्रहरीले जनाएको छ।