एजेन्सी । उत्तर र दक्षिण कोरियाको सीमा नजिक रहेको एक नदी रगतले भरिएको छ। सो नदीमा सुँगुरको रगतका कारण रातो भएको हो। अफ्रिकन स्वाइन फ्लु फैलिन सक्ने खतराका  भएका कारण दक्षिण कोरिया सरकारले ४७ हजार सुँगुरलाई मार्न आदेश दिएको थियो।

प्रशासनको आदेशअनुसार एउटा डम्पिङ साइटमा सुँगुरहरु मारिएका थिए। तर, वर्षाका कारण मारिएका सुँगुरको रगत सानो नदी इमजिनमा मिसिएपछि नदी रातो भएको हो।  नदीमा बगेको रगतका कारण अन्य जनावरहरुलाई पनि खतरा हुने सम्भावना रहेको बताइएको छ ।

सुँगुरहरुलाई मार्नुभन्दा पहिले उपचार गरिएको अधिकारीहरुको भनाइ छ।  मारिएका सुँगुर डम्पिङ साइटमा ट्रकभित्रै छोडिएको थियो। सुँगुरहरुलाई गाड्नका लागि बनाउन लागिएको प्लास्टिकका कन्टेनर बनाउन ढिलाइ भएका कारण खुलै छोडिएको थियो।  

 

रगतको खोला