काठमाडाैँ – स‌ंघीय राजधानी काठमाडाैंमा फेरि १० जुवाडे पक्राउ परेका छन्। हलचोकको एक घरमा जुवातास खेलिरहेका १० जनालाई प्रहरीले नियन्त्रणमा लिइ आवश्यक कारवाही प्रक्रिया आगडि बढाएकाे छ।

नागार्जुन नगरपालिका ३ हलचोकमा हरिमाया पुतुवारको घरमा कौडा खेलिरहेका उनीहरुलाई महानगरीय प्रहरी वृत्त स्वयम्भूको टोलीले पक्राउ गरेको हो ।

पक्राउ पर्नेमा सीतापाइलाका सचित दुलाल, काभ्रे पाँचखालका बालकुमार पन्त, नुवाकोटमा दिनेश लामा, हलचोकका महेश गोतामे, सीतापाइलाका राजकुमार तामाङ रहेका छन् । त्यस्तै सीतापाइलाकै वुद्धिबहादुर तामाङ, सुशन्त लामा, हलचोकका सुक्रबहादुर पुतुवार र राजु बस्नेत पनि पक्राउ परेका छन् । उनीहरुको साथबाट १६ थान कौडा र ३ लाख ६० हजार रुपैयाँ बरामद भएको महानगरीय प्रहरी परिसरका प्रवक्ता होविन्द्र बोगटीले जनाएका छन् ।

उनका अनुसार यसअघि पनि पनि कराेडाैं रुपैयाँसहित राजधानीबाट हाइप्राेफाइलमा २० जुवाडे पक्राउ परेका थिए।