तनहुँमा करेन्ट लागेर दुई जना भारतीय नागरिकको मृत्यु भएकाे छ। म्याग्दे गाउँपालिका–२ जामुनेमा बिहीबार २२ वर्षीय आजाद आलम र २५ वर्षीय सागर आलमकाे ज्यान गएकाे हाे।

निर्माणाधीन जामुने स्वास्थ्यचौकीको भवनमा काम गर्दै गरेको अवस्थामा करेन्ट लागेर उनीहरुकाे ज्यान गएकाे जिल्ला प्रहरी कार्यालय तनहुँका प्रहरी निरीक्षक शिवराज क्षेत्रीले जानकारी दिए ।

स्वास्थ्यचौकी भवनमा मार्बलको काम गर्ने क्रममा विद्युत् शर्ट भएर उनीहरुलाई करेन्ट लागेको प्रहरीले जनाएको छ । दुवैको शव दमौली अस्पतालमा राखिएको छ ।