चितवन। भ्रमण वर्षको सङ्घारमा पर्यटकीय क्षेत्र सौराहामा ७२ देशका संरक्षणकर्मी जुटेका छन् । भ्रमण वर्ष सन् २०२० लाई लक्षित गरेर ठूलो सङ्ख्यामा विदेशी पर्यटक नेपाल भित्र्याउन विश्वभर प्रचार अभियानमा सरकार लागिरहेको छ ।

यो भेला प्रकृति संरक्षण र पर्यटनका लागि सुनौलो अवसरसमेत बनेको छ । भ्रमण वर्ष सन् २०२०को नजिकमा ७२ देशका संरक्षणकर्मी एकै स्थानमा जुट्नु र उनीहरुमार्फत विश्वभर प्रचार प्रसार गर्ने वातावरण बन्नु देशका लागि ठूलो अवसर हो । नेपाल सरकार र अन्तर्राष्टिय रेन्जर फेडेरेसन (आईआरएफ)को आयोजनामा मंगलबारदेखि सौराहामा नवौँ विश्व रेञ्जर सम्मेलन सुरु भएको हो ।

पाँच दिनसम्म चल्ने सम्मेलनमा वन, वन्यजन्तु र प्राकृतिक स्रोतहरुको संरक्षणका लागि अघिल्लो पंक्तिमा कार्यरत विश्वभरका संरक्षणकर्मीहरुको सहभागिता रहेको छ ।  यस सम्मेलनमा मन्त्रालयका उच्च अधिकारीकासाथ विभागका अधिकारीकोसमेत सहभागिता रहेको छ ।

नेपालले वन, वन्यजन्तु र प्राकृतिक संरक्षण र अनुसन्धानका उपलब्धि विश्वभर फैलाउन यो सम्मेलनले मद्दत पुगेको वन मन्त्रालयका सहसचिव एवम् यस कार्यक्रमका संयोजक डा. महेश्वर ढकालले बताएका छन।  

 

सौराहा भ्रमण वर्ष ७२ देश