इलाम । इलाम नगरपालिका–१ नेपालटारमा मोटरसाइकल दुर्घटना हुँदा दुई जना व्यक्ति घाइते भएका छन् । इलामबाट राँके जाँदै गरेको मोटरसाइकल मेची राजमार्गस्थित नेपालटारमा दुर्घटना भएको हो ।

मोटरसाइकल उछिट्टिएर घरको छानामाथि पुगेको छ । मोटरसाइकलमा सवार सशस्त्र प्रहरी जवानद्वय सुनसरी महेन्द्रनगरका इन्द्र बस्नेत र इलाम राँकेका पहलमान मगर घाइते भएका छन् ।

दुर्घटनास्थलबाट उनीहरुको उद्धार गरी उपचारका लागि इलाम अस्पतालमा उपचार भइरहेको छ ।