काठमाडौँ।  सवारी चालक अनुमतीपत्रमा देखिएको ढिलासुस्ती अब हट्ने भएको छ। डेढ महिना अघि ल्याइएको मास प्रिन्टर (ठूलो क्षमताको छपाइ उपकरण) सञ्चालनमा आएसँगै छपाइमा रहेको ढिलाइ हट्ने भएको हो ।

अनुमतिपत्रका लागि एक बर्ष अघि बुझाएको आवेदन नपाउदा सेवाग्राही हैरान भएका थिए। अब भने मास प्रिन्टको उपयोगसंगै सेवाग्राहीको सास्ती हट्ने बिश्वास गरिएको छ।  

प्रतिघण्टा पाँचदेखि छ सयसम्म अनुमतिपत्र छपाइ गर्ने क्षमता रहेको ‘मास प्रिन्टर’ अबको केही दिनभित्रै सञ्चालनमा ल्याइने छ। डेढ महिना पहिले ल्याइएको उक्त उपकरणको जडान र परीक्षण पनि सकिसकेकाले अब सञ्चालनमा ल्याउन लागिएको हो।

अबको केही दिनसम्म परीक्षण भएपछि उपकरण पूर्णरूपमा सञ्चालनमा आउने यातायात व्यवस्था विभागले जनाएको छ ।

सवारी चालक अनुमतिपत्र