काठमाडौं । महानगरीय ट्राफिक प्रहरी महाशाखाले उपत्यकामा सञ्चालन भएका विभिन्न ट्रायल सेन्टरबाट तीन जना नक्कली प्रशिक्षार्थीलाई पक्राउ गरेको छ।

पक्राउ पर्नेमा गुल्मी अमरपुरी ७ घर भइ हाल काठमाडौं सोह्रखुट्टे बस्ने २७ वर्षीय रशम बस्ने रहेका छन् ।  उनलाई भक्तपुरको ट्रायल सेन्टरमा गुल्मीकै थमन बस्नेतको नाममा ट्रायल दिने क्रममा पक्राउ गरेको हो ।

काठमाडौं सकुेधारा ट्रायल सेन्टरमा रामेछाप हिलेदेवी ९ का रमेश थापाको मोटरसाईकलको  ट्रायल परीक्षा दिन आएका पर्सा ठोरी घर भई हाल भक्तपुर सुर्यबिनायक बस्ने १९ वर्षीय समुन भन्ने जयराम श्रेष्ठलाई पक्राउ गरिएको महाशाखाले जनाएको छ ।

यस्तै एकान्तकुना ट्रायल सेन्टरबाट महाशाखाले लमजुङ चिसापानी १ बस्ने चन्द्रबहादुर गुरुङको मोटरसाईकलको ट्रायल परीक्षा दिन आएका कैलाली लम्की घर भई हाल काठमाडौं जडिबुटी बस्ने २६ वर्षीय कर्णबहादुर वि.कलाई प्रहरीले पक्राउ गरेको छ ।