सोलुखुम्बु – सोलुखुम्बुमा पाँच राउण्ड गोलीसहित एक जना पक्राउ परेका छन्। सोताङ गाउँपालिका–१ स्थित सालघारी जंगलबाट पाँच राउण्ड गोलीसहित महाकुलुङ गाउँपालिका–१ बस्ने ३४ वर्षीय ङिमा शेर्पा पक्राउ परेका हुन्।

उनलाई शुक्रबार दिउँसो प्रहरीले पक्राउ गरेको हाे। प्रहरी चौकी पावैबाट खटिएको प्रहरीले उनलाई उक्त गोली सहित फेला पारी पक्राउ गरिएकाे जिल्ला प्रहरी कार्यालय साेलुखुम्बुले जनाएकाे छ ।यस सम्बन्धमा प्रहरीले थप अनुसन्धान गरिरहेको छ ।