सिरहा- भूमि सुधार तथा मालपोत कार्यालय सिरहाका प्रमुख रामबाबु मण्डल पाँच लाख घुस रकम सहित पक्राउ परेका छन्। सेवाग्राहीसँग १० दिनदेखि रकममा वार्गेनिङ गरिरहेको उजुरीका आधारमा उनलाई अख्तियार दूरुपयोग अनुसन्धान आयोग बर्दिवासबाट खटिएको टोलीले उनलाई रंगेहात पक्राउ गरेको हो।

आयोगको कार्यालय बर्दिबासबाट खटिएको टोलीले शुक्रबार बिहान ११ बजे मालपोत प्रमुख रामबाबु मण्डललाई पक्राउ गरेको हो ।

सुकुम्बासीको नाममा रहेको जग्गाको विषयमा उच्च अदालत, विराटनगरले प्रमाण मागेपछि मालपोत पुगेका सेवाग्राहीलाई कागजपत्र दिन आनकान गर्दै उनले घुस मागेको उजुरी अख्तियारमा परेको थियो। मण्डलमाथि थप अनुसन्धान भइरहेको आयोगले जनाएकाे छ ।