बर्दिया – प्रहरीले नेत्रविक्रम चन्द विप्लव समुहका दुई जना कार्यकर्तालाई पक्राउ गरेको छ। कालीकोट खाडाचक्रमणी नगरपालिका–२ का वर्ष २८ को रमेश विक र सन्जु चौधरीलाई बासगढीबाट प्रहरीले पक्राउ गरेको हो।

विष्फोटक  पदार्थ सम्बन्धि कसुर मुद्दामा विक फरार रहेकाले इलाका प्रहरी कार्यालय मोतिपुरबाट प्रहरी निरिक्षक इन्द्रजीत सुनारको कमाण्डमा खटिएको प्रहरी टोलीले पक्राउ गरेको प्रहरीद्वारा विज्ञप्तिमा उल्लेख गरेको छ। उनीहरुबाट प्रहरीले ५० थान पर्चा पम्पलेट पनि बरामद गरेको छ।

प्रहरी नियन्त्रणमा रहेका विकलाई म्याद थप गरिएको र चौधरीलाई आवश्यक अनुसन्धान भईरहेको एसपी राजेशनाथ वास्तोलाले जानकारी दिए।