भरतपुर । चितवनामा मूर्ति चोरी हुनुका साथै दान पेटिका फोडिएको छ। भरतपुर महानगरपालिका–२ मा रहेको महाबौद्ध गुम्बा तीनखोलेमा शनिबार राति मूर्ति चोरी हुनुका साथै दान पेटिका फोडिएको हो। सुनको जलप लगाइएको तीन फिटको मूर्ति चोरी भएको र सेफ ९गोप्य दानपेटिका० फोडिएको गुम्बा व्यवस्थापन समितिले जनाएको छ ।

समितिका अध्यक्ष विमला गुरुङका अनुसार गुम्बामा लगाइएको ताला फोडेर चोरी भएको हो । गुम्बाको सेफ तीन वर्षदेखि खोलिएको थिएन । उनले दानपेटिकामा लाखौँ रुपैयाँ रहेको बताए । बिहान ४ः०० बजे गुम्बामा पूजा गर्न जाने क्रममा चोरी भएको थाहा भएपछि प्रहरीलाई खबर गरिएको थियो । प्रहरीले मुचुल्का उठाउनाका साथै चोरीमा संलग्नको खोजी भइरहेको जनाएको छ ।