पूर्वराजा ज्ञानेन्द्र शाह आगामी हप्ता निजी भ्रमणको सिलसिलामा भैरहवा जाने हुनु भएको छ । शाहको निजी सचिवालयले जारी गरेको सूचनामा शाह केही दिनका लागि पश्चिम नेपालको भैरहवा जान लागेको उल्लेख गरिएको छ । 

बुझिए अनुसार शाहले भैरहवालाई मुकाम बनाउँदै बिभिन्न जिल्लाको पनि भ्रमण गर्ने कार्यक्रम छ । 

शाह केही समययता सार्वजनिकस्थलमा समेत खुल्दै आउनु भएको छ । केही हप्ता अघि काठमाडौंको दरवारमार्गस्थित एक होटेलमा उहाँ राष्ट्रिय गीतमा नाचेको भिडियो सार्वजनिक भएको थियो । 

शाहले मुलुक र जनताको अवस्था दयनीय भएको भन्दै पटक–पटक चिन्ता जाहेर गर्दै आउनु भएको छ ।