महेन्द्रनगरः कञ्चनपुरबाट प्रहरीले श्रीमती हत्या आरोपमा एक शिक्षकलाई पक्राउ गरेको छ ।

जिल्लाको बेलौरी नगरपालिका–६ खैराना घर भएका सरकारी शिक्षक मोहन सिह ऐरीलाई प्रहरीले श्रीमतीको हत्या गरेको आरोपमा पक्राउ गरेको हो ।

ऐरीकी श्रीमती सरस्वती ऐरीको विशालु पदार्थ सेवन गरेको कारण मृत्यु भएपछि माइती पक्षले शिक्षक ऐरीलाई हत्याको आरोप लगाएका थिए ।

इलाका प्रहरी कार्यालय बेलौरीका इन्चार्ज प्रहरी निरीक्षक रण बहादुर चन्दका अनुसार मृतक सरस्वतीका बाबु शेरसिह बोहराले ज्वाँईविरुद्ध दिएको किटानीका आधारमा पक्राउ गरिएको हो ।

सरस्वतीको सोमबार सेती अस्पतालमा उपचारकै क्रममा मृत्यु भएको थियो । ऐर कैलालीको कालिका माध्यामिक विद्यालय कैलालीमा अध्यापन गराउँदै आएका थिए ।

हत्या पक्राउ शिक्षक कञ्चनपुर