काठमाडौं । उदयपुरमा १६ वर्षीय बालकलाई अपहरण गरेको अभियोगमा आइतबार प्रहरीले वेलका नगरपालिका ३ बस्ने १९ वर्षका मनोज खत्रीलाई पक्राउ गरेको छ । खत्रीलाई प्रहरीले कटुवा पेस्तोलसहित पक्राउ गरेकाे हाे।

पक्राउ परेका खत्री र सोही ठाउँका विशाल लिम्बुले १६ वर्षीया विशेष खड्कालाई अपहरण गरी जंगलतर्फ लगेका थिए । अपहरणमा परेका खड्काको आइतबार राति नै प्रहरीले स्थानीयको सहयोगमा उद्दार गरेको छ ।

इलाका प्रहरी कार्यालय रामपुरले दिएको जानकारीअनुसार आइतबार राति उनीहरुले खड्कालाई नियन्त्रणमा लिएर जंगलनजिकै मुर्तिखोलामा राखेका थिए । स्थानीय र प्रहरी पुगेपछि लिम्बू भने फरार भएको र खत्रीलाई पक्राउ गरिएको प्रहरीले बताएको छ ।

पक्राउ परेका खत्रीलाई प्रहरीले सोमबार नै जिल्ला अदालत हाजिर गराएर शरीर बन्धक तथा अपहरण र हातहतियार तथा खरखजाना मुद्दामा अनुसन्धान शुरु गरेको छ ।अपहरणको कारण भने सामान्य झगडा मात्रै भएको प्रारम्भिक अनुसन्धानले देखिएको इलाका प्रहरी कार्यालय रामपुरका प्रहरी नायव निरीक्षक हरिबहादुर खड्काले जानकारी दिए । aघटनाको मूख्य नाइके फरार लिम्बू नै भएको प्रहरीले बताएको छ ।