काठमाडौँ। आइतबारदेखि नेपालमा आयोजना हुने १३औं दक्षिण एसियाली खेलकुद प्रतियोगिता (साग) मा सहभागी हुन् सदस्य मुलुकका प्रधानन्त्रीसमेत नेपाल आउने भएका छन्।

सागको अन्तिम तयारीमा जुटिरहँदा भुटानका प्रधानमन्त्री लोटे छिरिङ र बंगलादेशका प्रधानमन्त्री शेख हसिना नेपाल आउने राष्ट्रिय खेलकुद परिषद्(राखेप) ले जनाएको छ ।  प्रतियोगितामा सहभागी हुन सातवटै मुलुकका खेलकुदमन्त्री र सचिव नेपाल आउने बताइएको छ।

परिषद्का सदस्य–सचिव रमेश सिलवालले भुटान र बंगलादेशका प्रधानमन्त्री नेपाल आउने लगभग पक्का भएको जानकारी दिँदै भन्नुभयो– ‘सबै देशका प्रधानमन्त्री र राष्ट्रपतिसहित सम्बन्धित मन्त्रालयका मन्त्रीलाई निमन्त्रणा दिएका थियौं, तीमध्ये भुटान र बंगलादेशका प्रधानमन्त्री उपस्थित हुने प्रायः निश्चित भइसकेको छ।’

दक्षिण एसियाली खेलकुद प्रतियोगिता (साग)