पोखरा ।  पोखराको तालचोकमा शंकास्पद वस्तु फेला परेको छ। चोकमै रातो टालोमा पोको पारेर टेपले बाँधेको अवस्थामा शंकास्पद वस्तु भेटिएको हो । उक्त वस्तुलाई डिस्पोज गर्नका लागि नेपाली सेनाको डिस्पोजल टोली घटनास्थल पुगिसकेको छ ।

त्यस्तै, कपिलवस्तुको शिवराज–१ शिवपुरमा पनि शंकास्पद वस्तु फेला परेको छ । शंकास्पद वस्तु फेला परेसँगै सुरक्षाकर्मीहरु घटनास्थलमा पुगेको बताइएको छ । शंकास्पद वस्तु कसले राखेको भन्ने भने यकिन भएको छैन ।