सिन्धुपाल्चोक । सिन्धुपाल्चोकको सुकुटेमा भएको बस दुर्घटनामा मृत्यु हुनेको संख्या ९ पुगेको छ । दोलखाको मागादेउरालीबाट काठमाडौँ आउँदै गरेको बा. २. ख. ७२४५ नम्बरको बस दुर्घटनामा परेको हो ।

शैलुंगेश्वर यातायातको बस सुनकोशी नदीमा खसेको थियो । दुर्घटनामा १५ भन्दा बढी यात्रु घाइते भएका छन्। घाइतेहरुलाई उद्दार गरेर उपचारका लागि काभ्रेको धुलिखेल अस्पताल ल्याइएको छ ।

बसका चालकलाई प्रहरीले जीवितै उद्धार गरेको थियो । उनी पानीमा भिजेको अवस्थामा थिए । दुर्घटनामा घाइतेको उद्धार तथा हराइरहेकाको खोजी जारी रहेको प्रहरीले जनाएको छ ।

केही यात्रुलाई सुनकोसी नदीले बगाएको आशंकामा खोजी जारी राखिएको छ । घाइतेमध्ये केहीको अवस्थामा गम्भीर रहेको छ ।